7-an.blog.is

Já það er óhætt að segja að Arsenal sé ekki alveg í sínu besta formi þessa dagana. Maður hélt að þetta væri nú að koma þegar að Man Utd var lagt að velli en síðan þá hefur leiðin legið beint niður á við. Gallas er heldur ekkert að bæta standið hjá mínum mönnum með endalausu bulli í blöðunum. Einhvernvegin hefur þessi franski strákur aldrei heillað mig og ég var furðu lostinn þegar að meistarinn gerði hann að fyrirliða. Vonandi að Fabregas eða Kolo Toure fái bandið og leiði liðið úr þessum öldudal sem það er í núna.

Núna er íslenski boltinn farinn að rúlla eða leikmennirnir allavega farnir að púla. Þessi vika sem er senn að baki er einhver sú erfiðasta sem ég hef kynnst sem leikmaður. Ég hef varla getað gengið síðan á miðvikudag sökum harðsperra en samt náði maður að klóra sig í gegnum tæplega þriggja tíma æfingu í morgun. Auðvitað eru ljósir punktar í myrkrinu því að við höfum nú spilað tvisvar á æfingu í þessari viku og bæði skiptin hefur gamli kérlinn verið í vinning tíminu. Í morgun var það reyndar óvenju tæpt en mitt lið vann samt nokkuð sannfærandi í þriggja liða móti sem haldið var. Andri Valur, Gunni M og félagar vinna kannski næst en mikið verða þeir samt að bæta sig ef svo á að vera. 

Óli Stefán......sem er næstum því farinn að geta reimað á sig skóna þar sem harðsperrurnar eru aðeins að minnka

Eins og ég hef skrifað um hér áður er ég mikill áhugamaður um kvikmyndir og leikara. Ég hef agalega gaman að því að fylgjast með þeim leikurum sem hafa haft áhrif með stórleik úr hinum og þessum myndum. Nýlega horfði ég á American History X með stórleikaranum Edward Norton sem hefur lengi vel verið einn af mínum uppáhalds leikurum. Það er alveg óhætt að fullyrða að strákurinn er sjúkur í hlutverki sínu sem nýnasisti 

Óli stefán..........sem ætlar að taka Fight Club næst í þessari Norton viku

Vinur minn hann Kristó hefur ákveðið að söðla um og taka við rauð hvíta hernum úr Sandgerði. Ég verð segja að Sandgerðingar eru klárlega að fá dreng góðan sem á örugglega eftir að skila góðum árangri. Kristó hefur verið stór hluti af uppgangi Fjölnismanna síðustu þar sem hann hefur verið Ásmundi þjálfara til halds og traust. Það verður klárlega mikil eftirsjá í Skúla en um leið gaman að sjá hvernig honum reiðir af sem aðalþjálfara og ennþá forvitnilegra að sjá hvernig hann verður sem leikmaður því karlinn sýndi oft á tíðum frábær tilþrif á æfingum í sumar hjá okkur.

	Kristófer ráðinn þjálfari Reynis Sandgerði
Ábyrgðarmaður færslu Tilkynna um óviðeigandi tengingu við frétt

Jæja þá er best að halda áfram að blogga en ég ákvað að eftir tímabilið í sumar að hvíla mig aðeins á þessu og er mánaðarstopp alveg ágæt pása. Manni hefur tekist að afreka ýmislegt á þessum mánuði eins og það að snerta ekki fótbolta og þar af leiðandi safnað örfáum aukakílóum á beltið. Einnig hef ég látið undan gríðarlegri pressu og er að henda upp eitt stk facebook síðu núna en ég var búinn að lofa sjálfum mér því að láta það alveg vera. Sum loforð eru bara gerð til að svíkja þau, þannig er það bara.

Maður veit ekkert hvernig boltamálin koma til með að standa hjá okkur Fjölnismönnum en mér skilst að það sé nú verið að krunka í eitthvað af stóru bitunum okkar. Við hinir bíðum bara spakir og komum til með að starta 17.nóv. Talandi um 17 þá er nú spurning hvort að maður haldi þeirri tölu bara áfram eða ráðist á sjöuna þar sem hún er nú laus eftir að "pústið" sprakk og ákvað að leggja skóna á hilluna frægu. 

Enski er náttúrlega löngu byrjaður og verð ég að segja að ég er ekki alveg nógu sáttur með mína menn. Ég er á því að nú verði meistari Wenger að nota einhverja aura til að ná sér í allavega einn miðjumann sem maður þekkir og kostar alveg 15m plús. Það er á hreinu að við erum alveg einu skrefi á eftir þeim bestu og verðum það næstu 4-5 ár ef karlinn gerir ekkert annað en að búa til leikmenn sem er ekki alslæmt. Í kvöld er það meistaradeildin en við erum að tryggja okkur í 16 liða úrslit með sigri.

Óli Stefán......að halda áfram með þetta facebook dæmi