Bloggfærslur mánaðarins, október 2008

Besti sparnaðurinn

Gunnar Valur félagi minn úr vörninni sendi mér þennan og verð ég bara að láta hann flakka svona í tilefni ástandsins

 

Ef þið hefðuð lagt 100.000 krónur í að kaupa hlutabréf Nortel fyrir einu ári síðan væri verðmæti bréfanna í dag um 4.900 krónur.

Hefði sama fjárfesting verið lögð í Enron væri sú eign í dag um 1.650 krónur.

 Hefðuð þið keypt bréf í World Com fyrir 100.000 krónur væri minna en 500 kall eftir.

Hefði peningurinn hins vegar verið notaður til að kaupa Thule-bjór fyrir einu ári síðan þá hefði verið hægt að drekka hann allan og fara síðan með dósirnar í endurvinnslu og hafa um 21.400 krónur upp úr því.

Þegar ofangreint er athugað virðist vera vænlegur kostur fyrir fjárfesta að drekka stíft og endurvinna!

 

 

Óli Stefán.......sem er alveg kominn með ógeð af þessari vitleysu dag eftir dag

 


Bikarúrslitaleikur

Jæja þá er bara komið að því eftir 14 ára bið að maður er að fara í eitt stk bikarúrslitaleik. Árið 1994 fór Grindavík í fyrsta og eina skiptið í sögunni í úrslit og þá einmitt á móti KR. Ólinn var ekki nema 18 ára pjakkur þá en búinn að spila einhverja leiki í deildinni og því vongóður um það að vera í það minnsta í hóp en allt kom fyrir ekki því meistari Luka Kostic valdi mig sem 17.mann sem var óvinsælasta staða í knattspyrnuheiminum því þá var maður fyrsti leikmaður fyrir utan hóp. KR vann Grindavík 2-0

Gústi að fagna í sínum síðasta deildarleik

7912736-lg_1.jpgÍ dag eru breyttir tímar því 17.maðurinn er allavega í hóp þar sem hópurinn skartar 18 mönnum. Svo er kannski kaldhæðni örlaganna að ég skuli spila nr 17 í dag. Það er líka margt annað merkilegt við þennan leik því t.d er aldursforseti okkar liðs hann Ágúst "púst" Gylfason að spila sinn 10.bikarúrslitaleik og um leið kveðjuleik því að karlinn ætlar að hætta eftir þennan leik. Gaman fyrir hann að mæta fyrrum félögum sínum úr KR í síðasta leik sínum. 

Einu nýliðar bikarúrslitaleiks í byrjunarliði okkar í dag eru við nafnarnir og klefanágrannar ég og Óli Palli. Öll lið sem hann hefur spilað með allavega hér á Íslandi hafa orðið bikarmeistarar nema Fjölnir og er ætlunin að breyta því í dag með því að vinna leikinn.

Það er ekki laust við að gamall og góður fiðringur sé núna farinn að láta finna fyrir sér. Þrátt fyrir kulda er stemmningin hér í Grafarvogi engu lík og maður veit fyrir víst að Káramenn ætli að láta til sín taka í dag ástamt öðrum gestum og þannig er sigurformúlan búin til, með samstilltu átaki leikmanna og þeirra sem koma að liðinu ásamt fólkinu sem mætir og styður gula glaða til sigurs.

 

Óli Stefán......sem er farinn að setja í tösku og koma sér útá völl


Höfundur

Óli Stefán Flóventsson
Óli Stefán Flóventsson
Ég er 32 ára piltur úr Grindavík. Í dag bý ég hins vegar í Grafarvogi og spila með Fjölni í Fótbolta. Ég hef síðasta árið verið yfirblolggari hjá Grindavík en þar sem ég er ekki lengur að spila með þeim verð ég að fá mitt eigið blogg, þetta bara orðið að fíkn, ég bara get ekki hætt.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband