Skotleyfi

Já hann var fyrir margar sakir nokkuð furðulegur leikurinn við ÍA í morgun. Fyrir það fyrsta þá er tíminn ekki sá sem maður á að venjast í fótbolta en leikurinn hófst 09.40. Það svosem var alveg ágætt þegar menn voru vaknaðir. Í öðru lagi þá er það svo furðulegt með þessa höll þeirra eins flott og hún er þá er hitastigið eða kuldastigið öllu heldur brenglað. Ef að það er um frostmark úti þá eru örugglega 8 gráður í mínus þarna inni. Svo er það allra furðulegasta við þetta allt saman að kóngurinn sjálfur gaf sínum mönnum skotleyfi á einn af okkar leikmönnum. Ási þjálfari skipti hópnum í tvennt og fengu þeir sem byrjuðu fyrri hálfleik en svo var bara skipt um lið og nýtt lið inná í seinni hálfleik. Þegar að seinni hálfleikur var svona 10 mínútna gamall gerist það að einn af okkar mönnum lendir í klafsi við hliðarlínuna. Þetta endar þannig að hann og leikmaður fallast eiginlega í faðma og leikmaður ÍA lendir undir honum og upp við vegginn við varamannabekkina. Þá bara missir Guðjón þjálfari þeirra það. Hann öskrar á Ásmund hvort að hann ætli ekki að taka þennan leikmann útaf því að hann leggi sína menn í hættu og það í æfingaleik. Ási hlustar ekkert á hann en þá brást kóngurinn hinn versti við og öskrar á sína menn að þeir hafi nú skotleyfi á leikmann nr 4. Þeir höfðu semsagt leyfi til að fara í hann og sjálfsagt meiða hann. Þessi strákur er nú ekki nema 16 ára og vissi ekki hvaðan á sig stóð veðrið. Þetta er með því allra daprasta sem ég hef orðið vitni af á annars minni löngu æfi só far.

Óli Stefán..... sem er ánægður með að hafa komist í gegnum 45min á miðjunni í dag 

 

p.s við töpuðum leiknum 0-2 þrátt fyrir fína spilamennsku 

Athugasemdir

[Sjö-an (IP-tala skráð) 24.11.2007 kl. 16:55]

hefðir þú nú bara verið í vörn hefði farið 0-0

ja eða í sókn!!! 2-3 og þú með þrennu!

 

[7-an (IP-tala skráð) 24.11.2007 kl. 17:25]

Ég veit nú ekki með það en það hefði alveg verið vel þegið að vera í aðeins minni hlaupastöðu svona rétt á meðan maður nær pústinu í gang.

[aslaug (IP-tala skráð) 26.11.2007 kl. 00:45]

já Guðjón alveg að gera sig klikkar ekki eða þannig