Maður er hreinlega ekki að sjá Eduardo spila aftur

Þetta er ógeðslegasta fótbrot sem maður hefur séð. Ég er ekki að sjá Eduardo spila aftur en vá hvað maður vonar að strákurinn jafni sig. Ég á nú ekki von á því að Taylor hafi nú ætlað sér að fara svona með Eduardo en tæklingin er vissulega glæfraleg og verðskuldaði alveg rautt spjald. Meistari Wenger tekur kannski full djúpt í árina en hann hefur sjálfsagt verið tekinn í viðtal strax eftir hrikalega svekkjandi úrslit þar sem við fengum mark á okkur undir loki.

Óli Stefán......sem að er hrikalega óánægður með spilamennskuna í dag hjá Arsenal  

Wenger: Þessi maður á ekki að spila fótbolta framar

Athugasemdir

[Kjartan (IP-tala skráð) 23.2.2008 kl. 20:23]

Er nú reyndar stuðningsmaður Tottenham en verð að segja það að þetta er alveg hrikalega sorglegt. Miðað við þær myndir sem ég hef séð af þessu, þá er ansi hætt við að fótboltaferli þessa frábæra leikmans sé hreinlega lokið.

Ég votta ykkur stuðningsmönnum Arsenal samúð mína.

Hvað refsingu Taylors varðar, þá verð ég að viðurkenna að ég hef fullan skilning á ummælum Wengers.

[Dark Side, 24.2.2008 kl. 03:13]

Út af þessu atviki gat ég nú ekki verið óánægður með spilamennskuna. Það voru allir í sjokki en samt náðu þeir forystu og voru náttúrulega bara óheppnir að hafa fengið víti á sig í blálokinn :(

[Gíggi (IP-tala skráð) 24.2.2008 kl. 13:25]

Ég verð að lýsa ánægju minni með framkomu Gallas í lok leiks. Þetta er sko fyrirliði í lagi... Vatnsbyssurnar eru sprungnir á limminu, ég segi það og skrifa.

[Daníel Tryggvi (IP-tala skráð) 26.2.2008 kl. 16:08]

Já maður var hreinlega sleginn eftir að hafa séð þetta fótbrot, minnir óneitanlega svoldið á þegar að við United menn misstum Alan Smith á svipaðan hátt.

 Þó svo að ég efist um að þetta hafi verið ásteningur hjá Taylor þá var þetta engu að síður hrikalega vafasöm tækling og í raun voru ummæli Wengers skiljanleg allavegana miðað við að þau voru sögð í hita leiksins strax eftir leik.

En það er alltaf sorglegt þegar að ungir og efnilegir (já og í raun bara hvaða leikmenn sem er) leikmenn lenda í svona nokkru

Það þýðir samt ekkert að gráta Björn bónda heldur bara halda áfram að berjast og það þýðir ekkert að nota þetta sem einhverja afsökun þegar að þið missið af titlinum á lokasprettinum ;)