Fyrsta grasæfingin

Mikið svakalega er maður nú ánægður að komast loksins á gras. Ég verð nú bara að segja að grassvæðið hér í Grafarvoginum kemur ljómandi undan vetri og er það grænt og fagurt. Æfingin sem slík var helvíti fín og var boðið uppá klassíska reitur og spil a.k.a Kristó spes æfingu. Að vísu tapaði mitt lið eftir að hafa verið með yfirburða stöðu en eins og sannur íþróttamaður þá tekur maður því bara og einbeitir sér að næstu æfingu.

Klefa aðstæður eru alveg hreint ljómandi og það er nánast allt til alls þar. Fötin eru þvegin af okkur, að vísu fáum við þau yfirleitt vel rök til baka en það er ekki hægt að búast við öðru þar sem Gunni Már sér um þvottinn. Þarna eru alvöru græjur og meira að segja sjónvarp og dvd spilari. Það eina sem vantar þarna inn til að gera klefann fullkominn er ískápur með drykkjum í og kaffivél. Fyrir mig er kaffivélin nauðsynlegri því ég þarf 1-2 kaffibolla í kroppinn fyrir allar æfingar og leiki ef að vel á að vera.

Nú eru fimm dagar í mót og allt að verða klárt. Ási er meira að segja búinn að fá Gylfa Orra til að taka fyrirlestur um rangstæður því það er lágmark að leikmenn í efstu deild viti út á hvað þessi annars ágæta regla snýst um.

 

Óli Stefán.....sem er nákvæmlega ekkert pirraður yfir því að hafa tapað á rangstöðumarki á æfingu 

 

Athugasemdir

[Andri Valur (IP-tala skráð) 5.5.2008 kl. 23:29]

Það er gott að sjá að þú skulir vera búinn að jafna þig eftir tapið. Eigum við ekki bara að segja að við höfum unnið þar sem hinir spiluðu ekki eftir venjulegum fótboltareglum? Engin rangstaða, þeir máttu fara út af með boltann án þess að það væri innkast og svona mætti lengi telja.

Kannski það spili inn í að þjálfarinn var í hinu liðinu? ;)

[17-an (IP-tala skráð) 5.5.2008 kl. 23:34]

Klárlega og spurning um hversu langt hann fór yfir tímann því um leið og þeir skoruðu og komust yfir í fyrsta skipti þá var leikurinn flautaður af?

[ÓP (IP-tala skráð) 6.5.2008 kl. 00:03]

HEHEHEHEH

Svekkjandi!!! Það er bara ekki alltaf nóg að berjast...