Erfitt var það

Það er ekki laust við að tilfinningarnar hafi verið blendnar í gær þegar maður fór á sinn gamla heimavöll að takast á við gömlu félagana og stuðningsmenn. Við gerðum okkur svo mikið grein fyrir því hvað Grindavík er með gott lið og komum klárlega til að verja stigið. Reyndar erum við með þannig leikmenn að þeir eru alltaf líklegir að refsa og sú varð raunin i gær.

Ég get ekki sest niður og skrifað um leikinn án þess að minnast á frábæra stuðningsmenn Fjölnis. Það er engum blöðum um það að flétta að þeir hafa algjörlega stolið senunni í sumar. Í gær glumdi algjörlega í stúkunni þegar þeir sungu hvert snilldarlagið á fætur öðru. Það er ekkert nema frábært að spila fyrir framan svona stuðningsmenn

Ég er búinn að fá góðfúslegt leyfi frá Kristó til að upplýsa menn um pínu viðtalshúmor sem er í gangi hjá okkur Fjölnismönnum. Málið er að fyrir hvern leik kemur Kristó með orð dagsins sem að leikmenn verða svo að koma frá sér í sjónvarpsviðtali. Þetta byrjaði á móti KR þegar að herra Fjölnir Gunnar Már fór í sjónvarpið í viðtal. Hann fékk orðið moldvarpa sem hann skilaði svo frá sér með stakri snilld þegar var verið að ræða um teigana á Fjölnisvellinum. Í gær tilkynnti svo Kristó að orð dagsins væri gormur. Það lenti að þessu sinni á mér að skila því frá mér og talaði ég um að Grindjánarnir væru stórhættulegir inn í teignum því þetta væru svoddan djöfulsins gormar. 

 

Óli Stefán.....sem vonar að sínir fyrrum félagar spýti nú í lófana og taki Breiðablik í næstu umferð 

Athugasemdir

[Stoi (IP-tala skráð) 20.5.2008 kl. 15:15]

Gunni Már kom með hugmyndina en ég þarf alltaf að finna upp nöfnin, svo ég sé nú ekki að taka heiðurinn af sjálfum Herra Fjölni, maður gerir ekki svoleiðis...

[17-an (IP-tala skráð) 20.5.2008 kl. 15:27]

Bíddu þú sagðir við mig í rútunni að þú hefðir fattað þetta, svo ertu bara að bakka með það núna????

[Daníel Tryggvi (IP-tala skráð) 20.5.2008 kl. 15:32]

hehe....

 Hversu mikil snilld er þetta. Ég verð samt að viðurkenna að mér fannst þetta eitthvað voðalega furðulegt orðalag hjá þér þegar að ég sá þetta viðtal

En nú er komin skýring á því

Spennandi að sjá hvort maður geti giskað á hvað sé orðið eftir næsta viðtal ;) 

[KA MAN (IP-tala skráð) 20.5.2008 kl. 15:47]

Haha ,, ekki að spyrja að vitleysunni í ykkur  ekki bara á vellinum sem Fjölnir gerir skemmtilega  hluti , menn allstaðar á tánum . :D  Góður sigur í gær.  Heiftarlega ánægður  með ykkur .    kv:ka

[siggi birgis (IP-tala skráð) 20.5.2008 kl. 20:21]

já þeir meiga eiga það að þeir voru góðir og voru að allann leikinn.... svo er orðaleikurinn alveg magnaður...(",)

[Áslaug (IP-tala skráð) 21.5.2008 kl. 00:46]

Hehe aldeilis búið að skjóta í dag hvað ég hafi verið að sitja Fjölnismeginn hehhhe. Ekki nóg með það sá yngri mætti í Fjölnisgallanum

[Daníel Tryggvi (IP-tala skráð) 21.5.2008 kl. 10:45]

Það er alveg skiljanlegt að menn vinni leiki og standi sig með sóma þegar að svona kveðskapur er kveðinn um mann.

 Flóventskviða (Við höldum til hafs á ný )

Hann yfirgaf slorið
Kom Grafarvog í
Já Óli Stefán

Jafn gulur og Gunni
Jafn flottur og við
Já hann fullkomnar þetta lið

Þetter Óli Stefán
Já Óli Stefán
Jafn gulur og Gunni
Jafn flottur og við
Já hann fullkomnar þetta lið

[kéllinn (IP-tala skráð) 21.5.2008 kl. 17:43]

http://www.youtube.com/watch?v=Y42cz3lWdwk

[Sara Arnbjörns (IP-tala skráð) 21.5.2008 kl. 20:55]

Snilld!!! Leitt að missa af leiknum! En hlýtur að vera gaman að vera með svona frábæra stuðningsmenn og lagið um þig er frábært  söknum þín klárlega hér í Grindavík. Frétti að þú hefðir verið góður í leiknum en það er ljóst Óli minn að það kemur ekki fyrir aftur hérna (er það nokkuð)