3.2.2008 | 18:19
Bandið hans Bubba
Ég horfði á þennan þátt í gærkvöldi en ég hafði beðið eftir honum fullur eftirvæntingar í þó nokkurn tíma. Mér fannst þessi þáttur standa vel undir sér og hafði ég gaman af.
Félagi minn og meðspilari hann Eyþór Atli lék þarna stórt hlutverk og stóð pjakkurinn sig með stakri prýði. Sérstaklega var ég ánægður með það að hann tók lag Bubba Englar Alheimsins (Þú veist það núna) en það lag hefur sérstaka þýðingu fyrir mig og hef ég ósjaldan beðið hann um að taka það í hinum og þessum partíum. Það var líka gaman að sjá hann leika hógværa strákinn og fór það honum bara ansi vel.
Átakanlegasti partur þáttarins var þegar að Bubbi heimsótti ungan dreng í vinnuna og ætlaði að fá hann í blús með sér en hann guggnaði af stressi sem er í sjálfu sér alveg skiljanlegt en að láta það síðan út úr sér í viðtali við Unni Birnu að hans uppáhaldslag hafi verið Myndir með Skítamóral.... Púff.
Unnur Birna stóð sig vonum framar en ég hélt að það yrði einmitt hún sem að myndi skemma þetta dæmi. Hún náttúrlega toppaði sig þegar að hún kom því inn þegar að hún datt á sviðinu. Virkilega vel gert hjá henni og er ég nokkuð viss um að hún hafi komið ansi mörgum á óvart.
Upp stendur fínn þáttur þar sem mikið er um kassagítars spil en það er sko alveg grundvöllur fyrir því hér á landi. Ekki laust við smá öfund þegar að sjálfur Bubbi mætir með gítarinn og spilar með. Einhvern veginn held ég að maður eigi ekki eftir að fá þann draum uppfylltan
Óli Stefán.....sem að er að fara að fá sér Ítalskan b.m.t subway
Heimsóknir
Flettingar
- Í dag (13.5.): 7
- Sl. sólarhring: 7
- Sl. viku: 29
- Frá upphafi: 891
Annað
- Innlit í dag: 7
- Innlit sl. viku: 29
- Gestir í dag: 7
- IP-tölur í dag: 3
Uppfært á 3 mín. fresti.
Skýringar
Athugasemdir
Þú hefðir bara átt að skrá þig í þennan þátt og uppfylla drauminn þar
Ekki að láta eitthvað svona væl eins og að vera laglaus eða kunna ekki þetta eða hitt lagið á gítar vera að stoppa þig
Bara kíla á þetta, betra að sjá eftir að hafa reynt eitthvað og mistekist heldur en að sjá eftir einhverju sem maður þorði ekki einu sinni að reyna ;)
Daníel Tryggvi (IP-tala skráð) 4.2.2008 kl. 11:26
hehehe. Nei þakka þér fyrir Danni minn. Þá tek ég freka sénsinn á að hitta Bubba bara á förnum vegi, lenda á spjalli við hann þar sem hann ákveður á kíkja í kaffi með gítarinn þar sem hann hafi hvort sem er ekkert annað að gera
7-an (IP-tala skráð) 4.2.2008 kl. 19:40
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.