Magabelti

Jæja þá fær maður loksins að láta reyna aðeins á skrokkinn í kvöld þegar að maður mætir á sína fyrstu æfingu í tvær vikur. Já karlinn er bara búinn að vera í næsheitum hjá sjúkraþjálfara og ekkert fengið að æfa nema hjóla og lyfta á efri skrokkinn. Núna um helgina fékk ég lánað þessháttar magabelti hjá KA manninum sem er bara nokkuð þægilegt. Þetta virkar þannig að maður setur þetta bara á magann og stillir styrk og tíma og svo sér beltið um magaæfingarnar á meðan ég t.d skrifa þessa bloggfærslu. Ef það er eitthvað að marka myndirnar sem fylgja þessu þá ætti maður að vera kominn með myndar þvottabretti áður en maður veit af.

Óli Stefán......sem var ótrúlega ánægður með steggjunina hans Rikka á laugardaginn 

Jankó og aðstoðarþjáfarinn Dragan

Þetta myndband náðist af þeim félögum þegar að við spiluðum við Fjarðabyggð í fyrra.

 

Óli Stefán......sem væri til í að eiga báða þessa sixpencara 

Biðin styttist

Mikið djöfull er leiðinlegt að vera meiddur. Ég hef verið á morgun frá í tvær vikur og það er eitthvað sem að mér finnst bara alls ekki sniðugt. Á mánudag hóf ég meðferð hjá Ólafi Guðbjörnssyni og hefur það gengið vonum framar. Strax á örðum degi var sársaukinn minni og er hann núna eiginlega bara horfinn. Maður verður samt að halda að sér höndum því að ef maður fer að keyra of snemma af stað gæti þessi vinna í vikunni farið fyrir lítið. Það eru núna þrjár vikur í mót þannig að maður hefur smá svigrúm til að sýna vott af skynsemi og vonandi borgar það sig en eftir helgi fæ ég að fara rólega af stað.

Eins og ég sagði þá eru þrjár vikur í mót og Ási búinn að setja upp þrá leiki fram að móti. Við spilum við Hauka á sunnudag í Fífunni. Á Laugardag eftir viku eigum við svo leik við Aftureldingu og svo um mánaðarmótin spilum við leik við Fylki og ætti það að vera síðasti leikur fyrir fyrsta leik í Íslandsmóti sem hefst 10 maí við Þrótt úti.

Nú þegar að Fjölnismenn eru í efsti deild í fyrsta skipti þá verða menn að vera undir allt búnir því að þetta er deild athyglinnar. Maður getur alltaf átt von á því að vera kominn í viðtal við Hödda Magg án þess að vera undir það búinn og tilbúinn að svara flóknustu spurningum. Tómas Leifsson gæti lent í vandræðum ef að hann bætir ekki viðtalstæknina frá því í fyrra þegar að hann lenti í hinum ótrúlega lúmska Kristó "Skúla" Sigurgeirs (sem er fyrir þá sem ekki vita aðstoðarþjálfari liðsins)

 

 

Óli Stefán.....sem að er nú búinn að sjá "Skúla" í viðtali og var það nú bara býsna fyndið

 

Handklæðinu kastað

Stundum er lífið bara ekki sanngjarnt og maður er ekki alltaf að uppskera eins og maður sáir. Þetta þekkja flestir og við Arsenalmenn mætavel eftir uppskeru síðustu vikna og menn búnir að gefa meistaratitilinn frá sér. Meistari Wenger er svo mikill snillingur og hugsuður að maður tekur það sem hann er að gera og það sem karlinn stendur fyrir miklu frekar en titill á þessu seasoni. Ég er bara svo ánægður með hans stefnu að byggja upp og búa til lið frekar en að láta þessa blessuðu peninga ráða öllu. Wenger skilar af sé miklum hagnaði og er klárlega í miklum plús síðan að hann tók við liðinu. Hann hefur keypt leikmenn eins og Viera, Henry, Petit, Overmars, Lungberg, Fabregas og fleiri á klink og gert þá að alvöru leikmönnum. Þetta sýnir svolítið styrk hans og það sem hann hefur framyfir flesta stjóra. Reyndar ætla ég aldrei að taka það sem Alex Ferguson hefur gert fyrir United því það er afrek sem erfitt er að leika eftir.

Í dag mæla allir árangur í titlum eða peningum en það sem mitt lið hefur gert á þessu tímabili er afrek. Við skulum ekki gleyma því að það var talað um Arsenal fyrir neðan topp 5 því menn áttu von á Liverpool og Tottenham fyrir ofan þá. Arsenal er búið að vera óheppið með meiðsl og misst menn eins og Van Perse og Eduardo Da Silva í alvarleg meiðsl. Ég er núna eftir mesta svekkelsið búinn að spá aðeins í þessu tímabili og er virkilega ánægður hversu langt við fórum á jafn óreyndum mannskap og raun bara vitni og í stað þess að svekkja sig á dollu sem kom ekki í ár styð ég minn mann í hans framtíðarplönum og hans leikstíl sem að allir aðdáendur fótboltans elska

 

Óli Stefán......sem að er að gera sig kláran í leik Grindavíkur og Snæfells ásamt Pétri Markan. Hver hefði trúað því að hann væri svona mikill körfuboltaáhugamaður og hvað þá stuðningsmaður Grindavíkur??

Hommalegasti leikmaður Fjölnis 2008??

Já það var margt til málanna lagt í þessari æfingaferð okkar til Portúgals í síðustu viku. Eina góða kvöldstund þegar að við vorum búnir að koma okkur fyrir á Indverskum stað og vorum að bíða eftir brjálæðislega sterkum matnum þá ákváðum við herbergisfélagarnir undirritaður og Davíð Þór að útbúa kosningu um það hver væri hommalegastur af leikmönnum. Auðvitað var um lokaða kosningu að ræða, allavega þangað til úrslit voru ráðin. Þarna var úr auðugum garði að gresja enda samansafn af strákum sem komu sterklega til greina. Séra Pétur Markan sigraði með einu stigi en það má segja að hann hafi unnið á því að kjósa sjálfan sig. Undirritaður lenti svo í fimmta sæti með þrjú stig og eftir mikla rannsóknarvinnu komst ég að því hverjir það voru sem kusu strákinn.

Þeir sem kusu Óla Stefán aka Friðrik Ómar (ath að hægt er að smella á myndirnar til að stækka þær)

Ásgeir Aron Ásgeirsson en sem betur fer er nú ekkert hommalegt við þann dreng því annars myndi ég skjóta hann í kaf

 

 

 

 

 

 

 

 

 

Ómar Hákonarson sem að er hér lengst til hægri á myndinni ásamt sigurvegara keppninnar honum Pétri Markan í miðjunni. Eins og sjá má er ekki vottur af hommagenum í þessum mæta dreng. Þess má geta að þeir voru herbergisfélagar í ferðinni. 

 

 

 

 

 

 

 

 

 

Tómas Leifsson þjáningabróðir minn. Hann er í raun sá eini sem hafði verulega efni á því að velja mig enda 100% karlmenni þarna á ferð. Þar að auki var hann undir mikilli pressu frá Geira og Ómari að velja eins þeir og þar sem Tommi er með valkvíða þá lét hann undan blessaður

 

 

 

 

 

 

 

 

 

 

 

 

Friðrik Ómar......sem valdi sjálfur Magga Einars  

Það kom að því að við duttum í stuð

Já mikið var gaman að koma til Grindavíkur í dag. Þvílík stemmning og þvílík gleði þegar að mínir menn slátruðu Snæfell í þriðju viðureign liðanna og staðan því 2-1 og allt opið uppá gátt. Það var eins og við manninn mælt að þegar að Helgi eða Lalli fóru í gang þá vinnum við. Vörnin var frábær og þó að stórir fiskar eins og Jamal og Igor væru í villuvandræðum þá þéttum við okkur bara betur saman og í raun aldrei spurning hvort liðið vildi þetta meira í dag. Á mánudag er það útileikur og með leik í líkingu við þennan þá fáum við oddaleik og klárt að við förum alla leið.

Við Skúli fúli fórum saman í ómskoðun í gær og fékk maður bara flottar fréttir því maður er ekki rifinn. Karlinn þarf samt aðeins að hvíla og er það því væntanlega sjúkraþjálfun og ræktin næstu vikuna. Maður verður bara að sætta sig við það að maður er ekki þrítugur lengur.

Ég get ekki annað en komið aðeins inná leikinn við United á morgun og vil ég bara segja það að það er klárt mál að mínir menn vinna með allavega tveimur mörkum og ætla ég að segja 1-4. Já Siggi Þór ég segi það og skrifa 1-4 takk fyrir túkall ;)

Óli Stefán.......sem að spáir Grindavík í úrslit á móti Keflavík.

Dr Saxi

Nú eftir hádegi fer ég ásamt Skúla fúla í ómskoðun niður í Dómus. Skúli er í vandræðum með hnéð eftir að hafa labbað tvær holur í golfi sem er bara of mikið á veikan skrokkinn lagt. Ég hins vegar þarf að ath með magavöðvafestingar en læknarnir vilja meina að ég hafi ofþjálfað magavöðvana fyrir nýliðafegurðarsamkeppnina úti í Portúgal. Versta niðurstaða gæti verið algjör hvíld í tvær og hálfa til þrjár viku en ef það eru bara bólgur þarna þá eru það sprautur og hvíld framyfir helgi. Ég veit satt að segja ekki hvor niðurstaðan sé skárri. Auðvitað er það best að vera sem minnst frá æfingum en það að fá einar fjórar sprautur í magann við lífbeinið er ekki eitthvað sem maður heldur jólin yfir. 

Óli Stefán.....sem fékk ekki ósk sína uppfyllta því að Grindavík tapaði öðrum leiknum á móti Snæfell og er nú við ramman reip að draga í þessari viðureign

 

 

Körfuboltinn

Það er merkilegt hvað maður fer alltaf í körfuboltastuð á þessum tíma árs. Ætli það gæti verði því að úrslitakeppnin er í fullum gangi núna? Mínir menn úr Grindavík eru í undanúrslitum í rimmu við Snæfell. Við erum 0-1 undir því við töpuðum heimaleiknum og í kvöld er það leikur númer tvö. Það er víst ekkert auðveldast í heimi að leggja þessa djöfla þar en það er samt deginum ljósara að við þurfum einn sigur þar í tveimur tilraunum ef við ætlum í úrslitaleikinn. 

Til þess að þetta gangi upp þurfum við klárlega Helga Jónas og Lalla í stuð því að við rétt töpuðum með þremur stigum í síðasta leik með þá kalda. Hlynur fyrirliði þeirra er að mínu mati full hrokafullur í viðtölum því hann talar eins og þeir hafi verið að spila sinn versta leik og við okkar besta en þeir samt unnið. Hvernig verður þetta þá þegar við spilum ágætlega sagði hann. Það á bara að taka á svona körlum og láta þá éta svona skítacomment ofan í sig.

Það sem gerir körfuna svona skemmtilega er þessi úrslitakeppnis fyrirkomulag. Það myndast svo flott stemmning í kringum þetta. Ég vill meina að karfan sé kominn framúr handboltanum bara útaf þessu fyrirkomulagi. Ætli þetta myndi gang upp í fótboltanum þ.e svona úrslitakeppni?? 

 

Óli Stefán......sem mun fylgjast með textalýsingu frá Stykkishólmi í kvöld 

 

 

Djöfull í mannsmynd

Jæja þá er maður loks búinn að jafna sig á áfallinu úr meistaradeildinni í gærkveldi. Ótrúlegir klaufar annað árið í röð því í fyrra féllu þeir líka óvænt út á móti PSV en þetta er nákvæmlega það sem gerir boltann svona skemmtilegan

Ég fór með Kristó félaga mínum til Sigurjóns lækni til að láta kíkja aðeins á það sem er búið að vera að pirra mig í vetur og hittumst við á kaffihúsi í kaffibolla fyrir tímann. Kristó er harður púllari og var hann við hliðina á mér þegar úrslitin réðust í gær. Mér fannst hann vera ólíkur öðrum púllurum sem ég þekki því að hann lét mig alveg í friði og var gjörsamlega laus við leiðindi á meðan aðrir hoppuðu á mig og voru bara frekar leiðinlegir. Á kaffihúsinu í dag var hann heldur ekkert að tala þannig um leikinn og var meira að segja sammála mér að þetta hafi ekki verið víti. Þarna var ég farinn að hugsa minn gang um stuðningsmenn Liverpool. Gat verið að þarna væri að finna í fyrsta sinn almennilegan Púllara. Ég var alveg kominn á það þangað til ég fór að flakka um á netinu nú rétt í þessu og fór inná blogg okkar Fjölnismanna. Þar hafði Kristó a.k.a stoi sett þessa líka myndina og takið sérstaklega eftir andliti Torres!!! Nú er ég sannfærður um að stuðningsmenn Liverpool eru djöflar í mannsmynd

Óli Stefán......sem er að fara að huga að eldamennskunni

 

Þannig fór um sjóferð þá

Ég sá seinni hálfleik í kvöld og viðurkenni það fúslega að Liverpool voru alveg að ógna, sérstaklega ef maður miðar við fyrri leikinn. Hins vegar man ég ekkert sérstaklega eftir dauðafæri eða þannig að Almunia þyrfti að taka á því. Arsenal voru alveg að ógna og virtust fyrir mér alveg líklegir að setja kvikyndið samanber færið sem Ade klikkaði á. Torres kláraði sitt færi vel og er að mínu mati einn af þremur bestu framherjum í heimi í dag. Walcott gerði frábærlega í jöfnunarmarkinu og sá maður þarna fram í svakalegar 10 mínútur en ég veit ekki hvort það sé mín hlutdrægni eða smá pirringur útaf vítinu sem við áttum að fá í fyrri leiknum þá fannst mér þetta ekki vera víti. Ef það var brot þá byrjaði það fyrir utan teig en klárlega minni sakir en í fyrri leiknum. Þarna erum við að tala um tveggja marka sveiflu sem í svona keppni er bara of mikið.

Ég tek þessum ósigri eins og maður og óska Liverpool mönnum til hamingju, þið áttuð að vinna þennan leik, örlögin sáu um það í kvöld.

 

Óli Stefán.......sem er nú þegar búinn að fá 5 ógeðis sms frá Liverpool mönnum.  

Liverpool og Chelsea sigruðu og mætast í undanúrslitum